![](https://blogger.googleusercontent.com/img/b/R29vZ2xl/AVvXsEhpb7eoWP-Zez7cjwTutYd2E7rBCtbYZv2-WU60JRg8OXPlEAneMMNoq_fsD34kN1nnseAgzVorNb8zug4tN6jiwC5kpj_93K0pRPe8AYGvLBL9xUJ_WV_czi-D9kUwIHG0YY7gunyacac/s320/9789898236104.jpg)
Un libro analiza o fenómeno, hoxe obxecto de explotación turística, na fronteira luso-española
EFE- Galicia-Hoxe- 12-11-09
O contrabando que durante séculos existiu entre Portugal e España, moi florecente durante os réximes dictatoriais de Salazar e Franco, é agora obxecto de explotación turística.
Así o pon de manifesto o libro Contrabando na fronteira luso-espanhola presentado onte no Consello da Cultura Galega. É obra dun grupo de once investigadores de varias institucións académicas portuguesas e españolas, entre eles profesores das universidades de Santiago de Compostela e de Vigo.
O profesor Luis Cunha, investigador da Universidade do Minho, indicou que o contrabando constituíu un "recurso económico importante" para as poboacións de ambos os lados.
O presidente do CCG, Ramón Villares, indicou que mentres o téxtil e outros artigos tiveron maior importancia no contrabando do norte, no sur predominaron os produtos alimenticios e o café. Lamentou que a obra, publicada en Lisboa, estea escrita en portugués e castelán, pero "non en galego".
Ningún comentario:
Publicar un comentario