Todo isto, malia que os textos e as explicacións
están en galego. “Moitos preguntábanme por que escribía en castelán antigo ou
en portugués”, lembra agora entre risas. No entanto, a maioría de correos
que recibía eran para agradecerlle unha idea que axuda aos docentes a explicar
a Historia dun xeito máis divertido e aos rapaces a aprendela dunha maneira
máis doada.
O traballo non foi tan fácil. Cliphistoria conta xa
cuns 1.300 clips de 800 filmes diferentes, tanto españois como latinoamericanos.
De feito, o 30% dos seus usuarios habituais proceden do outro lado do
Atlántico, especialmente cando aos profesores lles toca explicar a
colonización española na zona. “A maioría de clips que elixen nese caso son os
de filmes que, normalmente, nunca se viron en España porque nos deixan como
asasinos e bárbaros”, di Manuel González, que tirou da súa excelente
bibliografía sobre cinema para ir recompilando, paso a paso e desde a súa casa
de Sada, películas que tratasen todos os temas históricos importantes no
temario dos rapaces.
“É moi abrumador, porque o que se ve na canle non é
máis que o contedor dun traballo moito máis importante; o verdadeiramente
relevante de todo isto é o que hai por detrás”, reivindica o artífice dunha
ferramenta que “comeza cos bípedos e acaba no 18 de xullo de 1936”. O
seu próximo obxectivo, a Guerra Civil española.
Mentres, os rapaces seguen gozando
dunha maneira tan inusual como atractiva de aprender a Historia. Nos seus
materiais, unha chea de enlaces que provoca que “moitos dos cativos logo se
interesen polos filmes” e acaben por gozar cunha materia que antes detestaban.
“O cinema español vale para moito máis do que se di”, advirte Manuel
González, que non só organiza os vídeos cronoloxicamente, senón tamén por temas
transversais que van desde a Arte até a Literatura, pasando polas Mulleres.
Todo cunha atracción innegable. Para os máis pequenos, pero tamén para todos
aqueles que gocen do cinema ou da Historia. Ou das dúas cousas á vez. Un
exemplo.
Ningún comentario:
Publicar un comentario