Un artigo en
1904 sobre o naufraxio de tres barcos recolle este topónimo, segundo o
investigador José Manuel Lema.
Por
Galicia Confidencial | Cee | 03/06/2012
 |
| Camelle |
A nova
aparece publicada no xornal coruñés El Noroeste, nun artigo do 14 de xaneiro de
1904. Esta é, segundo Lema, a primeira referencia escrita do topónimo Costa da
Morte. O achado produciuse este fin de semana grazas a un labor de investigación
que levaba a cabo o citado investigador buscando información sobre a vida
social e cultural na Costa da Morte antes da guerra civil na hemeroteca do
centro Blas Espín de Ponte do Porto que garda fotos, revistas e xornais
antigos.
Lema detívose
nun grupo de vellos diarios coruñeses que recollían crónicas sobre tres
naufraxios nesta comarca, especialmente, no diario El Noroeste de xaneiro de
1904. Tratábase dos accidentes do Kenmore, Draga Rosario D2, e a goleta
Francisca Rosa, afundidos en Traba de Laxe, Santa Mariña e Lobeira na noite do
11 ao 12 de xaneiro por mor da néboa. Nese artigo aparecía xa o topónimo Costa
da Morte.
Ata
agora, a primeira fonte era inglesa
Ata o
momento a cita máis antiga documentada deste nome era a da escritora inglesa
Annette Meakin, de xaneiro de 1908, en inglés. A cita española era dun artigo
sobre o románico de Fisterra de Salvador Garcia de Pruneda de agosto do mesmo
ano. Por tanto este novo achado atrasa en catro anos exactos a primeira data até
agora coñecida. Meakin aclaraba que o nome era xa naquela data coñecido
entre os mariños ingleses polos naufraxios dos seus barcos na costa próxima á
Coruña.
Na obra do
propio Lema "Costa da Morte, un pais de soños e naufraxios" indícase
que o topónimo tiña pouco máis dun século. Nacera en medios ingleses tras o
naufraxio do cruceiro torpedero inglés HMS Serpent en Punta do Boi, Camariñas,
e ampliada xunto á lenda negra dos rateiros na prensa coruñesa de primeiros de
século. Ademais, do mesmo xeito que todos os documentos escritos aparecidos na
prensa e libros desde 1904 a 1930 con esa acepción sempre se fai referencia ao
perigo desta costa, polos sinistros marítimos. O autor desta primeira cita de
1904 non é outro que o responsable da edición e da linea editorial, o
xornalista coruñés José Lombardero, que dirixiu este xornal de 1896 a 1918.
Outras dúas
referencias
Este
mesmo medio recolle o mesmo topónimo en dous artigos dese mesmo ano, en
concreto, nunha reportaxe sobre o afundimiento doutro barco, o vapor inglés
Yeoman, en Camelle o 10 de febreiro. O terceiro articulo de 1904 é unha columna
de opinión titulada "O Bardo", asinada o 5 de novembro, preguntase
pola desaparición de Eduardo Pondal naquelas datas e lembra que "á beira
desta tristemente famosa Costa da Morte saíu un día a súa voz".
Ningún comentario:
Publicar un comentario