A familia Franco abre Meirás ao público con tres anos de atraso

Os visitantes poderán acceder ao pazo este mes e realizar un percorrido de hora e media cun “control de seguridade”

DANIEL PRIETO 11/03/2011

O presidente galego, Alberto Núñez Feijóo, asegurou onte tras o Consello da Xunta que o pazo de Meirás, que debía ser aberto ao público en decembro de 2008, cando foi declarado Ben de Interese Cultural (BIC), se poderá visitar “nas vindeiras semanas”. O recinto, situado no municipio coruñés de Sada, foi entregado ao ditador en 1938 mediante expropiacións forzosas a veciños e concellos da zona, camufladas baixo a fórmula da “ofrenda-doazón”. A Consellería de Cultura emitiu un comunicado no que precisou que o pazo, antiga residencia da escritora Emilia Pardo Bazán, abrirá ao público durante catro días ao mes “antes de que remate marzo”.

O anuncio chega tres anos despois de que o anterior Goberno galego, formado por PSdeG e BNG, impulsase a declaración de BIC a instancias do Bloque de Sada. A Xunta do PP indicou que os representantes de Carmen Franco, a propietaria do inmoble, asinaron un convenio coa Consellería de Cultura e Turismo para acordar as condicións das visitas públicas gratuítas, que consistirán nun itinerario guiado de hora e media. No percorrido, que non incluirá algunhas estancias privadas, establecerase un “control de seguridade” e ofreceranse charlas en galego ou castelán.

Núñez Feijóo, asegurou que a propietaria “trasladou as inquietudes en materia de seguridade”, que “corresponde á Administración”, mentres que “do resto non hai ningún pagamento”. Ademais, explicou que as visitas deben efectuarse “de forma ordenada e pacífica”.

Con anterioridade, o máximo mandatario galego opúxose a que Meirás fora aberto ao público. En setembro de 2008, cando estaba na oposición, rexeitou unha iniciativa que o BNG presentou no Congreso para a recuperación do pazo para usos públicos. E antes, en setembro de 2007, Feijóo defendeu os intereses de Carmen Franco no Parlamento galego ao asegurar que a fortaleza non alcanzaba a categoría histórica suficiente como para ser declarado BIC. “Non é pazo senón torre”, asegurou daquela o popular, que nesa ocasión tamén considerou que non pagaba a pena preservar Meirás. “Se se queren recuperar patrimonios, que se recuperen os que corresponden a Galicia”, chegou a dicir o actual presidente.

A conselleira de Cultura nese momento, Ánxela Bugallo, comunicoulle ao daquela presidente do PP galego que “debería saber que se fora torre xa sería BIC” e ironizou con contratar a Feijóo “como técnico de Patrimonio”. Desde a declaración de Meirás como BIC, Carmen Franco presentou sucesivos recursos ante o Tribunal Superior de Xustiza de Galicia (TSXG) que fallaron na súa contra e a favor da apertura ao público do inmoble, construído no século XIX sobre unha antiga edificación. A filla do ditador incluso acudiu ao Tribunal Supremo, que aínda non se pronunciou ao respecto.

A finais do ano pasado, o conselleiro de Cultura, Roberto Varela, amosou a súa intención de “esgotar a vía do diálogo” coa propietaria do pazo para abrilo. Entón, o BNG acusou á Xunta de “conivencia” cos Franco por non facer efectiva a apertura, en consonancia cos autos do TSXG que avalaban a súa apertura inmediata pola “prevalencia do interese público sobre o privado”. “Ía sendo hora, porque é deber da Xunta e leva tres anos de atraso”, sinalou Abel López Soto, o alcalde de Sada, do BNG.

Outros BIC

Por outra banda, o Consello da Xunta declarou onte BIC os castros de Borneiro, en Cabana de Bergantiños (A Coruña) e Salceda, en Cualedro (Ourense). Ademais, Roberto Varela sinalou que expediente para que o castro de Baroña goce desa protección será incoado “no primeiro cuadrimestre deste ano”.

El Supremo avala el derecho de la Xunta a inspeccionar el Pazo de Meirás

El alto tribunal sí admite una de alegaciones de la familia del dictador: el reportaje fotográfico realizado por la Xunta

P. OBELLEIRO - El Páis - 27/10/2009

El Tribunal Supremo ha validado legalmente la inspección que la Xunta realizó el 30 de agosto de 2007 en el pazo de Meirás, propiedad de la familia Franco, para verificar el estado de conservación de un edificio incluido en el catálogo de inmuebles culturales.

El Supremo avala un auto previo del Tribunal Superior de Xustiza de Galicia, que en su día había dado autorización al Gobierno gallego a entrar por primera vez en el pazo para estudiar su posible declaración como Bien de Interés Cultural, como así se acabó decidiendo posteriormente. La familia Franco recurrió esta decisión del tribunal gallego después de que los técnicos de la Consellería de Cultura de la Xunta llevasen a cabo su inspección. El Supremo rechaza los argumentos del recurso, al entender que no se vulneró el derecho a la inviolabilidad del domicilio, entre otras razones, porque Meirás no es la residencia habitual de los Franco, que lo usan únicamente en vacaciones.

Sin embargo, el Supremo sí admite una de alegaciones planteadas por la familia del dictador, al considerar que la Xunta no debería haber realizado el reportaje fotográfico que captaron sus técnicos en el edificio para catalogar los bienes artísticos y culturales que acoge. Esas fotografías permanecen en los archivos de la Consellería de Cultura y nunca han sido divulgadas. Según el Supremo, los técnicos de la Xunta debieron haberse limitado a captar imágenes exclusivamente para certificar el estado de conservación del pazo.

Los Franco tienen tramitado otro recurso ante el Supremo contra la declaración de Meirás como Bien de Interés Cultural, que obliga a abrirlo al público un mínimo de cuatro días al mes.

Varela: “Os Franco teñen unha carta miña para que abran o Pazo”

O conselleiro de Cultura desvela que lles remitiu un documento no que lles esixe “que cumpran a lei”

Xornal.com - 10/10/2009

Despois de que a Xunta admitira dunha vez por todas que xa non hai nada que impida abrir ao público o Pazo de Meirás, agora o conselleiro de Cultura, Roberto Varela, desvela que xa lle remitiu unha carta aos Franco esixíndolles que “cumpran a lei”. Nun Café de Redacción que Xornal de Galicia publicará mañá integramente, Varela afirma: “A familia Franco ten unha carta miña enriba da mesa dicindo que ten que abrir o Pazo, e se non o fai, procederemos a aplicar as sancións oportunas”.

O titular de Cultura da Xunta asegura que o Goberno galego está a facer “o que manda a lei”, pero recoñece que, aínda que se rixe polas mesmas normas que o resto de Bens de Interese Cultural (BIC) o de Meirás “non é un caso como os demáis”, xa que precisa unhas maiores medidas de seguridade para establecer as visitas un mínimo de catro días no mes, como manda a lei.

(...)

Ler máis